使用條款 | 私隱政策

唔只呃like!Trashtag challenge堅係執垃圾救地球

 

幾年前,為漸凍人籌款嘅ice bucket challenge(冰桶挑戰)全球興起,

人人一桶冰水照頭淋,之後網上都出現唔少乜乜challenge。

有食洗衣球嘅#tidepodchallenge,好多外國細路玩到入醫院;

#10yearschallenge,個個都post十年前後嘅相。

 

共同點係︰好多人跟,好快玩完,好無聊。

 

而家又多一個challenge,我希望呢個可以打破以上3大特點。

呢期興嘅係Trashtag challenge,玩法好簡單︰

去一個好多垃圾嘅地方,影張相。

然後,執晒所有垃圾,再影張相。

 

有冇人跟?有!

仲真係清得好乾淨喎!

Trashtag呢個字本來出自2015年一個環保活動,

唔知點解又有人拎返出嚟仲發揚光大。

 

比起其他影張相呃個like嘅challenge,呢個真係要落手落腳做。

係咪真係會多咗人執垃圾?我唔知。

但起碼教育返大家咩為之challenge,

真係要出過唔少力做嘅,先至叫challenge囉。

原文傳送門

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地