使用條款 | 私隱政策

【阿媽搶fo】設計師精心製作 超性感外母晚裝

 

結婚真係好多嘢要打點,尤其是牽涉「四大長老」嘅一切一切,

千祈唔好甩漏或者令佢地唔滿意。

 

但係調返轉,長老們都有好多嘢可以激親一對新人。

 

幫阿媽揀衫,係其中一樣。

低調怕醜嘅,會嫌low cut太性感;

豪邁嘅,又嫌晚裝「冇嘢睇」。

鮮色就怕搶眼,深色又話太沉……

有啲阿媽可能一晚換幾套衫,力壓阿女同新抱添。

 

匈牙利一位設計師,就整咗套「外母晚裝」,

包保令新娘子嗌唔好!

條裙極度性感,大露背,心口deep V,而且若隱若現,

冇咁上下身材嘅媽咪們,著咗盞俾人笑;

真係「浪」得起嘅媽咪們,著咗應該成為全晚收視冠軍,

即係無論如何,新娘子都係會被搶fo。

 

唔少網友都質疑「真係有阿媽會著條咁嘅裙?」,

亦有好多想像力豐富嘅朋友覺得,

條裙真正用途係考驗女婿嘅定力……

 

條裙真係有得賣架!全手工製作,盛惠約1900英鎊,即係約港幣19700蚊。

click呢度買啦

 

我諗新娘見到最㷫嘅係……有咁多錢買條靚裙,做咩唔封大封啲利是打多啲金器呢?

原文傳送門

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走