使用條款 | 私隱政策

又有行路post 今次係行勻全港11間大學

 

「行路post 」可以話係討論區常見玩法,

而各位巴打嘅路線安排亦越來越有心思。

放工由觀塘行返天水圍屋企、行路上大陸都有人試過,

仲有咩好玩?

 

連登網友「喊住問點解」一年前已經試過一口氣行勻9間大學,

但係冇行經樹仁大學令佢覺得遺憾,

於是今年再度挑戰,仲去埋去年升格嘅香港恒生大學。

 

根據網上地圖,路程長約90公里,喺嶺大出發,

再沿元朗、林錦公路去教大,再跟住吐露港公路去中大,

出到沙田就會到達恆大,再沿山路入西貢去科大。

出返市區就一氣過去埋浸大城大公大理大,過埋海去埋其餘2間就搞掂。

樓主喺凌晨時份出發,腳骨力固然緊要,

更令人佩服係佢夠膽夜媽媽行林錦公路!所以唔少旁觀網友都叫佢定時update報平安。

因為要過海,本來樓主想由紅磡碼頭坐船去北角,再一路行去樹大同港大。

但係佢去到理大嗰陣,同尾班船開出時間只差20分鐘,佢只好行去搭隧巴。

終於行咗23個鐘頭之後,巴打完成呢個壯舉,

不過就攰到飯都唔食即刻搵車返屋企!

 

有人留言建議不如行晒咁多間IVE(香港專業教育學院),

10間分校9個地點,有得諗喎!

 

原post傳送門

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」