使用條款 | 私隱政策

偷獵者潛入國家公園獵犀牛 遭大象殺死 再被獅子噬屍

地球環境越來越多問題,唔少生物都瀕臨絕種。

但係為咗利益,總有人會罔顧風險而成為非法偷獵者。

 

所謂嘅風險唔止係犯法被捕,動物嘅獸性,並唔係有支槍就可以控制到。

 

南非一個國家公園,上星期發現一具只剩頭部嘅人類屍體。

經調查後,懷疑死者係非法潛入園內捕獵犀牛嘅偷獵者。

 

犀牛屬於瀕臨絕種動物,現時全球只係剩返約5000隻,

涉事嘅國家公園就分別有四百及七千幾隻黑、白犀牛出現。

但因為犀牛角被認為有藥用價值,黑市價甚至貴過毒品,

於是有人非法潛入公園捕獵,南非全國嘅偷獵動物案件當中,

有6成都發生喺呢個公園,園方亦已經全方位防範。

 

早前,有一行4個偷獵者趁夜晚走入公園偷獵時,

其中一人突然被大象襲擊,當場死亡。

同行者將死者屍體拖到路邊後就逃之夭夭。

之後家屬通知園方,當局要到事發後三日至搵到死者,

但係只剩低個頭同埋條褲,

估計屍身其餘部份已經被獅子食咗……

而其他逃去嘅偷獵者都全部被捕。

人在做,天真係在看。

原文傳送門

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」