使用條款 | 私隱政策

3歲仔亂㩒iPad 48年後先可以解鎖

 

點解唔好俾小朋友太早接觸科技產品?

壞眼?影響智力發展?唔識同人溝通?

 

係佢地會整壞嘢呀~~~

 

美國一位爸B Evan,家有3歲大仔仔。

早幾日 Evan就post咗張相,原來係佢位公子多次嘗試unlock個iPad唔成功,

結果部機鎖死咗,要25536442分鐘後先可以解鎖。

唔使計嘞,即係48年零6個月左右之後先開得返。到時佢個仔都5字頭囉~~

 

iPad係會喺每次㩒錯密碼之後,加長容許解鎖嘅時限。

由此可知,阿仔玩咗幾耐㩒密碼遊戲……

 

花生友紛紛留言,有人教 Evan駁返電腦同個iTunes 同步就冇事、

有人叫佢等48年囉;

亦有人玩嘢叫佢擺落米缸(倒瀉水就話得啫),甚至不如reboot個仔……

 

而蘋果就建議重新設置個iPad,但係就會冇晒所有資料。

Evan決定試駁電腦呢招,但因為系統未更新做唔到,而家仲搞緊,未知得唔得。

 

其實Evan不如真係keep住部機,等到48年後俾個仔解鎖,

咪好似時間囊咁囉!幾有意義呀!

原文傳送門

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」