使用條款 | 私隱政策

好賤!網站幫你send劇透俾朋友 40蚊爆足全季

 

成個4月都危機四伏。

 

24號《復仇者聯盟︰終局之戰》上畫,

呢個禮拜尾Game of Thrones(《權力遊戲》)最後一季開播,

等咁耐, 一旦俾人劇透真係嬲到想咬人!

早幾日咁多人搶AVENGERS飛,都係費事上網睇到爆雷啫。

 

不過日防夜防,你估唔到竟然有人將劇透變成商機。

 

有個外國網站提供幫人匿名代send劇透sms服務,

劇集喺電視台一播完就立即爆雷,

如果你個friend趕唔切睇直播的話,一定中伏!

「訂戶」仲可以睇埋被爆雷朋友嘅回覆訊息,好狗呀~~~~

 

一條劇透訊息收費0.99美金(約港元$7.7),

網站就趁住《權力遊戲》就快播而推出套餐,$4.99美金爆晒6集劇情,

40蚊唔駛就有咁大整蠱,用嚟對付仇人的話真係幾抵。

呢個服務喺2016年推出,創辦人話意念係源自reddit討論區一位女網友。

嗰位絲打為咗向偷食嘅男友報復,喺《權》播放期間係咁send劇透訊息俾ex!

創辦人本身打緊工,呢個「服務」本來只係當玩票,

但係反應出奇地好,令佢開始諗點樣發大嚟做。

 

其實賺呢啲錢……算唔算陰質錢?

原文傳送門

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」