使用條款 | 私隱政策

出道7年好搵得 12歲化妝Youtuber買靚車當生日禮物

 

你試吓問問身邊啲小學雞「我的志願」係做盛行,

以前嘅大熱例如消防員、警察、醫生仲係咪咁流行?

定係各位豆丁已經打算成為電競選手、youtuber、創業家?

 

靠社交媒體搵食有幾普及?泰國有位美妝知識youtuber娜特南,今年12歲,

但係已經有7年經驗。

 

娜特南3歲開始對化妝扮靚產生興趣,

當其他豬妹都係玩緊阿媽啲化妝品同埋被人鬧嘅時候,

佢已經開始經營自己嘅youtube channel,嗰陣只係5歲!

 

不過開台初期,好多網友俾負評佢,認為年紀咁細唔應該化妝。

娜特南一度放棄,但係你都估到係呢句「家人同fans嘅支持之下」,

令佢繼續做落去,仲越搞越有睇頭。

 

娜特南阿媽見個女唔係玩玩下,決定出錢被個女去讀化妝課程,

9歲就已經成為專業化妝師,連明星都搵佢幫手,

舊年更加參與倫敦時裝周,幫super model化妝。11歲咋!

剛剛娜特南度過12歲生日,事業有成嘅佢送自己一份禮物,

係一架名貴房車!!

佢又喺facebook出post多謝fans支持,好識做呀。

原文傳送門

 

 

KOL俾到好多人對「工作」呢個概念有新嘅想像,

難怪外國最近有位instagram被刪嘅網紅拍片哭訴,

話自己唔做KOL唔掂,因為返唔到朝9晚5嘅工……

click去睇睇

 

 

最近的19+幾樣野

阿仔的生日禮物 爆笑老豆一錯再錯出晒事 結局竟然係咁……

波鞋去皺回春大法 熨一熨立即變新

騎呢校規 學生唔報社交媒體帳號會被踢出校

淘寶有呢啲!代客試食連報告 「保證身臨其境」

打機有用!遊戲開發商掌握巴黎聖母院結構資料 或有助重建

KFC上校叔叔大變身 變成型男有紋身?

香港漫畫界最癲crossover 百人聯乘「黃手套之亂」