使用條款 | 私隱政策

香港漫畫界最癲crossover 百人聯乘「黃手套之亂」

 

香港有邊啲插畫/漫畫家?而家有個機會一次過認晒佢地!

 

近日facebook上唔少漫畫家都捲入呢個#黃手套之亂。

事件源自漫畫家Cuson Lo嘅一幅作品,提到喺書店以為讀者讚緊自己,

點知原來係講緊另一位漫畫家草日。

 

2月下旬, Cuson post咗一張女友畫嘅畫「放閃」,就咁撻著成件事。

於是草日就畫咗另一幅作品回敬。

因為呢幅作品,「黃手套」成為極之重要嘅道具。

如是者,兩位漫畫家互相出招crossover,模仿對方嘅人物畫法,

睇到fans好鬼開心。

 

玩咗個幾月,劇情由互相調侃變成有啲「腐」嘅BL情節出現……

Facebook嘅話題風潮keep到幾日都算長壽,但係兩位仁兄玩咗個幾月都仲大把貨。

而且,仲燒埋其他人嗰疊……

包括路邊攤、文地、阿塗等等一齊出招,

有網友留言建議不如叫「服藥者聯盟」,

就咁,一個香港畫壇最大型crossover正式啟動。

個人心水覺得呢幅BL味濃嘅作品最正。作者係Cotton Heart。

連政府嘅大嘥鬼、Sanrio人物「烈子」都加入戰團,好不熱鬧!

多到我都cap唔晒,大家麻煩喺facebook打#服藥者聯盟慢慢欣賞。

學網友話齋,「一班人,一起認真地去做一件傻事,便叫做熱血!」。

唔係呢件事,都真係唔知香港有咁多各有風格嘅創作人,加油呀!

怪叔叔之散步道

草日漫畫

 

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了