使用條款 | 私隱政策

KFC上校叔叔大變身 變成型男有紋身?

 

唔少快餐品牌都有個品牌人物做生招牌,

麥當勞叔叔、Wendy’s 孖辮妹、Jack in the Box嘅人偶Jack Box等等。

 

仲有一個經典,就係炸雞店KFC白頭上校Colonel Sanders。

 

對上校嘅印象,可能仲停留喺白髮白西裝揸拐杖帶眼鏡嘅慈祥伯伯。

不過快餐業近年由家庭化品牌形象轉向主攻年青人,

美國KFC於是做咗個大膽改動,幫上校伯伯大變身!

 

唔係幫佢換件衫,甚至都係同一個白髮白西裝揸拐杖帶眼鏡造型,

不過係回春。

 

先睇相,呢個就係新嘅上校。

成個荷里活型男Jake Gyllenhaal咁!

仲要喺腹肌(係,有腹肌!)位置紋咗Secret Recipe for Success呢句品牌口號。

 

變嘅唔止外型咁少。以往美國KFC都會搵演員飾演上校,

呢位型男呢?係電腦合成出嚟。

連佢女友都係咁樣整出來。

 

佢仲會喺instagram答粉絲問題,又有晒角色性格,

話要不忘初心繼續烹調完美嘅炸雞咁話。

好多網友都話新嘅上校哥哥好hot,似乎反應唔錯。

食炸雞仲可以keep到個髮型咁潮,唔係虛擬人物都真係做唔到。

上校個instagram

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了