使用條款 | 私隱政策

打機有用!遊戲開發商掌握巴黎聖母院結構資料 或有助重建

 

巴黎聖母院發生火災,呢座用2個世紀興建、屹立600幾年嘅偉大建築,

喺焚燒個幾鐘之後,最具代表性嘅塔尖倒下,令世人震驚同傷痛。

好在部份結構同聖物依然完整,算係不幸中之大幸。

 

事後,唔少法國企業同個人都舉手捐款資助重建巴黎聖母院,

著名時尚品牌LVMH,同埋持有L’Oreal嘅家族就宣布出資2億歐元。

 

有錢當然好辦事,但係點樣先可以恢復聖母院原貌,

就更加值得討論。

 

要復修咁古老嘅建築物,有圖則都未夠。

估唔到擁有齊全聖母院內部建築資料嘅,係一間遊戲公司。

2014年Ubisoft推出嘅電玩《刺客教條》(Assassin’s Creed Unity),

場景入面嘅巴黎聖母院,創作人用咗2年時間同唔少心血去刻劃建築物嘅細節。

美術團隊成員影咗大量相片,製作3D模型,

甚至連一磚一瓦嘅質地都紀錄低。

 

火災之後,唔少人都話,Ubisoft有關巴黎聖母院嘅資料可能對重建好有幫助。

其實除此之外,有藝術歷史學家以鐳射素描方式,

將成楝教堂嘅結構紀錄起嚟,素描點高達10億個,

準確度極高,誤差唔會多過5毫米。(來源

 

好在有呢啲資料,希望真係可以令巴黎聖母院華麗再現。

 

原文傳送門

 

 

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了