使用條款 | 私隱政策

騎呢校規 學生唔報社交媒體帳號會被踢出校

 

由以前到而家,都有人分享唔同學校嘅騎呢校規。

與時並進嘅只係校規嘅古怪程度,而唔係合理性。

 

以前學校會捉校裙裙腳頭髮白襪長度,而家呢?

係要學生交出社交媒體帳戶名。

 

日本新學年係由4月開始,有高中生就喺twitter出post,

指開學時獲派一張表格,要學生填寫有冇LINE、Facebook、Instagram等等社交平台帳戶,

有的話(其實點會冇?)就要填上個人帳戶名稱、

有幾多朋友等等資料,話係要進行「網路巡邏」,

以免學生搞出麻煩喎。

 

你一定諗到「話冇account咪得囉」,嗱!

表格上面仲寫住,如果學生被發現使用表格上申報資料以外嘅社交媒體帳戶的話,

將會接受停課處分。

 

呢位高中生同老師表示學校嘅要求太過份,

老師就冷冷拋低一句「日本嘅高中唔係強制教育,你唔接受咪轉校囉」。

咁把炮係絕對理解嘅。

因為開學之後,同學申請轉校,就要等到下個學年開課先得。

咁樣空出一年,日後搵工升學都會留下壞印象。

 

結果呢位同學都係要如實交出自己嘅帳號名,

但係就設定將所有帖文變成自己先睇到。

 

唔知間學校啲老師以至校長又要唔要交出自己個account呢?

搞出麻煩嘅事,大人都做唔少架喂。

如果同學見到老師個account post 啲會「搞出麻煩」嘅內容,

又可唔可以告發呢?

原文傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了