使用條款 | 私隱政策

波鞋去皺回春大法 熨一熨立即變新

 

新波鞋落地,任你噴幾多防水保護劑,

任你用咩方法清潔保持原色,

有樣時光嘅痕跡,一旦出現,睇落都似壞咗,感覺好陌生。

 

就係皺紋!

 

話晒鞋係拎嚟著,除非你識輕功步法,否則對鞋前腳掌位點都會摺起,

日子耐咗梗係皺。

 

想修補?原來比氹返老婆容易。

 

有位外國Youtuber教你,只需紙巾、舊布碎、毛巾、熱水、潔而x清潔劑同熨斗,

就可以同波鞋去皺。

 

首先用紙巾或者舊布碎填滿鞋頭,

要填到本身嘅皺紋見唔到、外邊㩒落去感覺唔到空隙為止。

然後用熱水浸濕毛巾再揸乾,令毛巾只係微濕,再加少少清潔劑。

 

跟住將濕毛巾鋪喺鞋身皺咗嘅位置,再用熨斗熨平。

記得熨斗唔好校得太熱,仲要一邊熨一邊check下溫度,費事熨壞對鞋。

呢個教學post出咗2日,就有15萬次轉載同30幾萬個like,

唔少人照辦煮碗都話work!

靠自己修補到嘅嘢唔係好多,好在自己波鞋仲可以自己救。

原文傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了