使用條款 | 私隱政策

為慳$660行李費 女子著10磅衣物上身

 

長假期機票貴,俾你撲到唔包行李嘅廉航機票,

可能都會寧願質晒啲行李入個上得機艙嘅喼,諗住慳返筆。

 

不過通常都係會帶咗好多嘢,

搞到要喺check in counter臨場執行李,好樣衰。

 

英國女子Natalie,早前買咗平機票飛去西班牙小島Fuerteventura度假。

佢嘅行李限額只有6公斤,但係就帶咗9.4公斤行裝入喼,

Check in嗰陣梗係俾工作人員截住啦。

Natalie有2條路揀,

一係就俾85蚊美金(港元約660元)俾額外行李寄艙費,

一係就掉咁啲,點算?

 

結果Natalie將半喼行李嘅衣物著上身!

佢著住7條裙、2對鞋、2條短褲、1條短裙同1件冷衫上機,好神奇。

當事人話,著咁多衫上機,覺得成身係滾嘅。

 

其他乘客笑佢之餘,都好肯幫Natalie分擔行李負擔,

借出喼位俾佢暫存其他衣物。

因為太熱,Natalie 一上到機,就即刻問空中服務員可唔可以除咁幾件!

 

著7條裙我明﹐不過最想知點樣著2對鞋上腳。

唔知佢點回程呢?捨得俾多6百幾蚊未?

原文傳送門

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地