使用條款 | 私隱政策

扭蛋抽妹妹寫給自己的情書 係變態定係情懷?

 

日本扭蛋有咩好玩?

唔止得可愛玩具,有時個餡可以係核突爆春魚仔、騎呢造型動物……

甚至話連二手內褲都有得抽……

 

呢期又有新蛋抽,內容唔係玩具,而係字條。

 

日本名古屋嘅大須,被稱為「日本三大動漫基地」之一,

好多宅文化產品有得賣。

有網友就搵到一部專賣「妹妹的情書」嘅扭蛋機。

200yen有交易,即管睇吓係咩。

 

又真係摺到好似中學豬妹寫俾意中人嘅情書……

就連字跡都似!

 

根據原文報導嘅翻譯,內容大概係一個豬妹對「哥哥」示愛嘅信,

但又講到「我地唔可以好似正常情侶咁結婚,其他人會覺得我地好怪」。

Onii-chan都可以解係學校師兄、契哥呢類嘅「哥哥」,

當然都包括親生大佬。

咁係寫俾邊個先?兩回事嚟架喎!

另一封係由「妹妹」寫俾同樣對哥哥有意嘅女生,

叫對方死咗條心,哥哥只係會愛我一個!

 

第三封就走黐線風格,將「哥哥」、「只可以望住我」、

「你係屬於我嘅」瘋狂copy幾次。

 

如果你呢世人都未收過呢類咁pure咁true嘅情書,

咁呢200yen都幾值得駛,情懷嘛。

不過,想當啲內容係寫俾師兄契哥定親阿哥呢……

你唔駛話俾我地聽架,唔該晒。

 

原文傳送門

最近的19+幾樣野