使用條款 | 私隱政策

睇得又用得!Thanos寶石手套鬆肉鎚

 

尋日講開老公買玩具會有俾老婆「清倉」嘅危險,

除咗搵個地方收起珍藏之外,仲有咩辦法?

 

買啲實用嘅咪得囉,師兄!

 

睇完《復仇者聯盟》,唔少師兄弟都想擁有Thanos嗰隻寶石手套。

係有玩具公司出嘅,但係隻嘢size唔細,暗渡陳倉都抿抿地。

有生產商就醒嘞,出咗呢隻手套造型嘅……

鬆肉鎚!

呢個手套令你喺肉類面前,好似有齊6粒寶石咁充滿力量︰

不鏽鋼製造,夠晒硬淨;

內裡嘅手柄有矽膠,唔跣手夠食力;

外面嘅鎚面令到肉扒唔會黐實,乾手淨腳。

生產商好抵死咁話,你唔能夠消滅一半人類,

但你可以搞掂各種肉類同埋超級英雄。

呢個手套真係諗得過,size只係長25cm,唔阻地方,仲入得洗碗機。

而且又送一堆食譜,教你煮Endgame Pie、鷹眼牛扒呢類食正戲中角色嘅菜式。

最重要係平!20蚊英鎊,港紙2舊水左右,

老婆至贊成!

 

嗱,我唔保證佢唔會用個手套揼你架吓。

呢度有得賣

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal