使用條款 | 私隱政策

女子患罕有「水敏感症」 一掂水皮膚似火燒

花粉、貝殼類食物、蛋、奶,呢啲都係常見致敏元,

輕則身痕流眼水,重則抖唔到氣攞你命。

英國女子Niah就患上罕見敏感症,只要皮膚接觸到水份,

全身即刻感覺似火燒,難受感覺維持幾個鐘,

即使嗰啲水份係自己汗水同眼淚,一樣中招。

好在佢嘅體內器官冇敏感,飲水唔會有事,否則真係好大鑊。

呢個病極之罕有,世界上可能得幾個人有。

Niah 5歲開始發現自己有呢個病,本來情況都冇咁差,

直到近年越來越嚴重,冇藥物或者治療方法可以改善。

或者你都想像到,唔掂得水嘅生活真係極之唔方便︰

一起身去廁所,小個便可能都令Niah痛不欲生;

只可以做唔太劇烈、唔出汗嘅運動;

天氣熱起上嚟,只可以對住個風扇。

沖涼,係要忍耐住痛楚嚟完成。

如果嗰日有可能落雨,佢就唔可以出街。

好在家人、朋友同男友都好體諒Niah,唔使佢處理要掂水嘅家務,

又會陪佢去街。

Niah而家會用樂觀心態面對,因為覺得既然用咗咁多時間面對痛楚,

剩低嘅就要好好對自己。

而Niah亦都開咗個Youtube channel,等多啲人認識呢個病,

以及為其他受過敏病症嘅朋友打打氣。

「十指不沾陽春水」,原來係唔值得羨慕。

 

原文傳送門

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地