使用條款 | 私隱政策

網友mean評《倚天屠龍記2019》︰有史以來最差版本

 

而家大台播緊內地第N次翻拍嘅《倚天屠龍記》。

金庸名著喺唔同年代都有電視劇版,但就成日被批一蟹不如一蟹,

究竟真係新不如舊,定越拍越走樣?

 

香港觀眾或者睇唔慣內地製作,

咁搵個內地觀眾評,就點都客觀少少……喇啩。

 

======劇透分隔線(雖然個故事都咁多年都唔知有咩好透不過費事打搞屋企人啦)======

 

呢篇來自內地嘅劇評,點出套劇嘅問題︰

 

第一,女角選角。

作者搵咗張圖,點出呢一代幾位女角有咩問題。

就係太似樣了~~~

 

點解而家內地女演員個樣貌咁難分辨?

係化妝?觀眾口味?定係……而家女藝人個樣都係好似韓星?

就連張無忌雙眼都係水汪汪嘅,點先﹗

對上幾代嘅周芷若、幫敏、蜘兒,都係各有性格同面貌,

作者話係《倚》係非常容易出女神的作品,絕對認同。

各種性格嘅女生都有,點會唔爆出一個半個女神?

 

 

第二,情節匪夷所思。

 

大力金剛指問俞岱巖屠龍刀係咪喺殷素素手上,

迫供方法竟然係「如果係,就眨一次眼;如果唔係,就眨兩次眼。」

而下個shot就係俞被折磨貶咗眼!

會唔會太好笑?

即使浸喺海度幾日,定喺荒山野嶺。殷素素無論咩情況下,個妝依然好靚!

仲有,好多慢鏡。楊逍出場一定有。

連張翠山自殺刎頸一刻,都用咗7個角度展示。

呢點因為太多觀眾鬧,鬧到套劇出咗街都要照改,仲出埋微博認錯。

作者話睇完預告片同已出街集數,結論係「基本冇夠」,

仲話「我們大概會見證到有史以來的最差版本的誕生」。

 

你地覺得……係咪咁差呢?

可能幾年後又有新版本,呢一輯又會變得冇咁難睇架啦。

原文傳送門