使用條款 | 私隱政策

聲稱「總部派嚟」 男子呃炸雞食足一年

 

返工有如玩緊話事啤,

你估吓我底牌,我又大吓你,好考功夫。

 

南非有位呃飲呃食男就深明此道,玩贏呢個遊戲,

單靠撻個名,就食足一年免費炸雞。

 

呢位喺當地大學就讀嘅27歲男子,次次都西裝畢挺咁出現喺炸雞快餐店門市,

然後用充滿自信嘅聲線同氣勢,同店員講「我係總部派嚟」,

然後就殺入廚房仔細檢查,寫晒筆記,仲話要檢查食品質素。

前線同事當然不敢待慢,立即呈上食物。

 

梗係啦,一講「總部派嚟」,當堂變得好大粒架嘛,你都驚啦。

阿「高層」有時仲會坐高級房車現身,當地好多分店店員都話認得佢。

 

實情係,佢係因為有個friend做富豪嘅私人司機,

先有得坐住架靚車出入之嘛。

 

如是者呃足一年,呢位「呃雞男」先俾人踢爆,

法庭即將審理呢單咁有趣嘅騙案。

 

有網友居然覺得,呢間連鎖餐廳應該請呢位咁好演技嘅高手,

因為佢有豐富嘅品質檢定經驗喎。

 

不如用呢位男子研究吓,食咁多炸雞點先冇咁熱氣。

原文傳送門

最近的19+幾樣野

唔想分心玩電話? 用定時解鎖食物盒鎖起手機

「當值時我會想著你」 二手店發現 65年前士兵的道歉情書

《芝麻街》新角色 教小朋友認識「寄養家庭」

group chat公然爆粗鬧 內衣店新同事被欺凌 係咪羅生門?

現實版《小飛象》受盡折磨 瘦骨嶙峋斷腳慘死

法官審案金句多 網友︰呢啲官先至夠貼地