使用條款 | 私隱政策

當兵 讀醫 做太空人 35歲神人令網友自愧不如

 

你身邊最叻嘅朋友,有幾勁?

賺大錢、做老闆、學歷高,中邊樣?

 

呢位叫Jonny Kim嘅韓裔美國人,令一眾網友自愧不如。

Jonny今年35歲,但係佢做嘅事可以話係好多人幾世加埋都做唔到。

 

首先,高中畢業之後,佢去咗當兵,

仲要係加入操得最堅嘅海軍陸戰隊。

而且真係上過戰場,參與過百次行動,擔任狙擊手同偵察兵,拎過銀同銅星章。

你以為佢讀唔成書先當兵?服役7年之後,Jonny考上大學數學系,

畢業之後再讀醫……係去哈佛讀醫!!

連實習都係去全國最勁嘅醫院,問你怕未?

 

未完架!佢之後仲走去應徵做太空人,由18000人中脫穎而出,

成為12個入圍受訓者。

NASA公布話,2024年嘅登月行動,Jonny可能會係其中一分子。

網友睇見都爭相討論,有人話「到底我成世人做過乜x嘢」!!

 

有人睇完wiki發現Jonny做埋老豆添,

連想攻擊佢係「死讀書」毒L嘅機會都冇咯。

 

完美到咁,用佢嘅經歷嚟寫劇本,都嫌假得滯!

原文傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了