使用條款 | 私隱政策

被人笑佢肥 「方丈」買起快餐店所有炸雞

 

正所謂「崩口人忌崩口碗」,即使唔係大台劇都真係會有「唔覺意」聽到人地真心話嘅場面。

 

印尼一位哥仔,喺快餐店排隊買食物。

佢本來想買一件炸雞,

點知後面位auntie,同個扭緊計嘅仔講咗句

「只可以食一件雞,再唔係就好似前面個uncle咁肥架啦」。

 

個肥uncle即係出post嘅哥仔。

 

於是,哥仔買嘢嘅時候,就同店員講「可唔可以買晒所有炸雞」。

 

咁梗係冇問題啦。於是佢一嘢要晒16件雞。

因為賣晒,店員就再炸過另一批雞。

 

到後面位阿太買雞嘅時候,店員同佢講

「唔好意思啲雞賣晒,要等半個鐘先有」。

呢位阿太個仔當堂更加扭計!!

 

哥仔一臉自豪咁望住阿太兩母子,然後施施然行出鋪頭。

佢話雖然用咗大約港幣130蚊,仲要啃15件雞,

但就覺得非常值得。

 

梗係抵啦,而家去戲院睇IMAX都唔止呢個價啦!仲要有雞食喎~~

原post傳送門

最近的19+幾樣野

善良劇透網 預告有冇狗狗死亡 血腥畫面

去沙灘贏晒!超浮誇快艇型浮床

日本毒男毒女餐廳 大量自閉位仲有得叉電

SNAPCHAT童顏效果 竟然係捉孌童癖神器

阿媽著小背心出席阿仔生日會 被餐廳趕走