使用條款 | 私隱政策

【男人有難】今年潮服 係呢套喱士套裝?

 

近年嘅潮物真係幾考起人,

由速遞員制服到老豆波鞋,著得好睇堅有難度。

 

家陣又有新嘢,難度系數再高幾倍!

 

有美國品牌推出呢套用喱士做嘅男裝衫褲……

係全喱士!

呢套兩件頭潮服,上身係短袖襯衫,下身係短褲,

加上粉紅、藍、紫、黑同白嘅用色,

若隱若現,真係少啲膽量都搞唔掂。

不過話晒都係男裝,點都有個褲袋!你知男人幾鍾意插袋同放銀包手機車匙入褲袋架啦。

價錢都算親民,上下裝各盛惠大約330蚊港紙,

亦有6舊水唔駛嘅一件頭jumpsuit款。

又pure又true嘅白色仲平少少架。

咪以為只係呢個牌子咁玩,

早排時裝盛事MET Gala,男星Harry Styles配合大會嘅主題Camp,

就著起一套黑色喱士一件頭jumpsuit。

所以,男裝喱士風真係有可能大爆發,

請大家扣好安全帶~~

 

唔知點解,我好想睇近年造型屢被談論嘅吳亦凡著起呢套衫……

原文傳送門

最近的19+幾樣野

爸爸買錯PS5碎紙機 15歲子怒打老豆被捕 真相是?

外母說話有骨鬧女婿 港媽:老公要搬返奶奶家

奶奶應畀5位數利是獎勵生B?網民酸爆邊有家燕媽媽咁好

中大畢業五年月薪不夠兩萬蚊 90後感自卑

老師港式英文開Zoom教書 港媽驚嘆「What room」都講得出

25歲情侶唔夠錢買樓:辭職排公屋好過?

大隻店員推銷$19水喉要半棵 網民:生意難做

網民求$7000租港島住一家三口 被嘲:坪州應該得

港爸轟Uber拒載冇戴口罩BB 網民撐司機:放車尾箱囉

顧客買六斤生蝦 質疑烤後只有三斤要求退款