使用條款 | 私隱政策

【喵報】愛心爆棚貓奴 收養鬆皮症無牙主子

 

 

貓奴唔易做,更何況主子身體有毛病?

 

英國情侶Georgina與未婚夫Christopher,之前收養過一隻16歲老貓,

但係相處幾個月貓貓就逝世。

傷心之餘佢地都想繼續領養貓貓,舊年搵到一對各有身體缺陷嘅喵星人。

7歲Quinton係冇晒牙嘅,

而6歲Toby就患上「鬆皮症」,身體難以產生膠原蛋白,

令皮膚睇落「鬆泡泡」,個樣仲好似好慘豬咁。

喺保護動物機構收容所嗰陣,2隻貓都顯得戰戰兢兢,Toby仲成日匿喺Quinton身後。

 

呢個畫面令Georgina同Christopher決定收養呢對小兄弟。

 

經過幾個月時間,兩兄弟終於融入呢個家,

而且一貫地互相照應。

因為Toby嘅鬆皮病會好易整損皮膚,Quinton同佢玩都會收起爪爪,

又會幫對方洗面。

Toby嘅病其實只係令外表與別不同,

只要小心護理傷口,照顧佢同照顧其他貓嘅分別唔大。

Georgina都話,Toby都係一隻開心小貓,鍾意望吓雀仔,

同埋俾人搓肚仔,所謂有「特別需要」其實都唔係太大問題,

Georgina希望藉住兩位主子嘅故事,令更多因為有缺憾而無人認領嘅動物有個家。

原文傳送門

兩位喵星人嘅IG

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了