使用條款 | 私隱政策

紐西蘭警方社交媒體 po太多警犬萌照備受非議

世界各地唔少政府部門都會用社交媒體,宣傳佢地嘅訊息。

紐西蘭警方都唔例外,但係最近佢地嘅社交媒體twitter就被審計部門指,
只有唔夠一成嘅貼文,係同撲滅罪行有關。

咁其他post係講咩?飲飲食食最開心,定係抽水改圖cap片?

 

原來有唔少都係……一班警犬嘅萌照。
仲要係BB警犬嗰類,睇到人心都溶埋。
睇返,又真係幾可愛嘅……

審計部門都認同呢種用「萌相+幽默短介紹」手法,
係富有人性而真摯嘅方針,不過都希望警方可以改一改個方向咁話。
畢竟搞呢個twitter,每年開支過百萬港紙……

而警方專責社交媒體嘅代表就反駁,
以萌照吸like,先可以引發更多用戶互動,令訊息更易見到。

睇狗狗都真係開心過見到通緝犯張相嘅~
原文傳送門