使用條款 | 私隱政策

日本毒男毒女餐廳 大量自閉位仲有得叉電

 

身為宅男宅女,唔一定食得頹同長期摺喺屋企嘅。

只不過出去食飯,一個人會俾人眼望望,

而且想用手機laptop睇劇睇動畫送飯又似乎太毒。

 

宅文化盛行而且細心到爆嘅日本,就有專門俾「毒」朋友嘅餐廳。

首先,座位都係「自閉位」,唔似一般餐廳成個草原咁一望無際。

可以放心收埋自己。

而且,每個位都有電源插口,方便長期作戰(打機呀我講緊)。

想搵店員,㩒個掣就有人出現,

唔駛唔好意思,或者驚冇人睇到(而自尊受損……)。

免費wifi呢啲就梗架啦。

座位前有伸腳空間,簡直同網吧有得揮。

至於食物,選擇唔少,價錢都幾合理。

呢碟涼拌秋葵蝦烏冬,只需699yen,大約50蚊港紙左右。

喺東京吉祥寺、池袋、新橋、赤坂見附等地方都有分店,

除咗毒毒啱去,其實幾適合去旅行都要做嘢嘅大忙人。

原文傳送門