使用條款 | 私隱政策

善良劇透網 預告有冇狗狗死亡 血腥畫面

 

早排《權力遊戲》加埋《復仇者聯盟》齊齊埋齋,

個個都出post鬧定劇透乜乜乜。

 

水能載舟亦能覆舟,劇透唔一定衰嘅。

正如我好怕睇血腥嘢,入咗場先知有人切手指爆頭流血,

真係成晚瞓唔著。

 

而家有人真係搞咗個劇透網,但係出於善意,唔係要搞到人冇癮,

而係以免觀眾睇戲睇劇睇到任何唔適合自己嘅成份。

呢個網叫Does The Dog Die,因為好多人都好怕睇到狗狗會死嘅戲份,

觸動自己往事真係會淚線崩潰。

個網唔止有電影電視劇透,連小說、game、書嘅「劇透」都有。

仲將各種令人唔舒服嘅元素,

例如昆蟲、密集圖案、針筒、鬼怪咁,都仔細分類。

只要你唔介意會穿晒成套戲大橋,

打個戲名書名,即刻睇到有冇你唔想見嘅嘢。

而且你都可以幫手提供資料,咪當係幫吓人囉。

即click睇劇透!