使用條款 | 私隱政策

英國發現大鵬金翅鳥?原來係海鷗揩到黃薑粉

 

見到呢隻金黃色嘅大鳥飛過,莫非就係傳說中嘅大鵬金翅鳥?

 

英國嘅A41公路上,有人發現有隻全身羽毛橙黃色嘅雀鳥出沒。

西人未必識大鵬金翅鳥,但就聯想到另一種神獸︰

鳳凰!

 

於是就同當地動物醫院報料,睇吓有咩發現。

 

工作人員真係搵到呢隻雀,檢查後發現……

 

佢係一隻海鷗。

佢係一隻揩到周身都係咖喱粉或者黃薑粉嘅海鷗。

因為周身都係粉,令呢隻疑似雄性「鳳凰」飛唔起。

經檢查後,除咗一身香料味同睇落橙咇咇之外,身體一切正常。

獸醫醫院嘅朋友幫呢隻「神獸」改咗個名,叫Vinny,

意念來自一種印度咖喱Vindaloo。

 

到底點解海鷗會搞到周身都係咖喱粉?真係一個謎。

不過類似事情,三年前英國都發生過。

有隻海鷗跌咗落一大缸咖喱雞度。

 

一隻雀浸喺一大兜咖喱雞,求計算雀雀事後心理陰影面積。

原文傳送門