使用條款 | 私隱政策

打開50年前小學雞時間囊 發現神預言?!

 

7月,畢業天。

有學校會叫畢業同學,將個人物品放入時間囊,等n年後打開。

 

估唔到50年前已經有呢個玩法。

加拿大溫哥華一間小學,最近有班老友記重返校園,

佢地就係畢業半個世紀嘅一班大大大大大師兄師姐。

唔係去湊孫,而係返去打開由1969年起收藏好嘅時間囊!

 

當年有人寫信俾50年後嘅自己,希望自己到時係視光師。

亦有校董訪問同學嘅錄音。

 

放入時間囊,點都會抒發自己對未來嘅幻想。

有同學仔話2019年嘅時候,周街都係太空汽車。

一位時任教育官員就作出神預言,估計2019年嘅通訊工具會好唔同,

學校會教小朋友用電腦以及其他獲得資訊嘅工具,

無線電話會出現!中晒!

而時任加拿大總理老杜魯多,亦即係而家嘅「靚仔總理」個爸爸,

當時都有寫信俾呢班學生放入時間囊。

老杜魯多話喺見證人類登月冇耐,要估計未來係點,好有難度。

佢話除非有核災難,否則世界嘅科技發展,

會一如對上半世紀(即係1919-69年)咁迅速。

老杜魯多寄望人類社會喺自由同公義嘅發展,都同科技一樣一日千里。

 

給50年後的自己,你又想留低一封點樣嘅信?

原文傳送門