使用條款 | 私隱政策

台中政府交通宣傳片勁低質 睇到人好尷尬 

網路宣傳,想奏效,一係就度條好橋做到靚一靚,

一係呢……有咁肉酸風咁肉酸,搏人恥笑,此為「暗黑行銷」。

 

要玩暗黑玩得叻,唔係扮醜就得,

因為真係肉酸兼睇到人尷尬嘅片,確係唔少。

政府嘢尤其係重災區。

 

台中市政府為咗宣傳「路口慢看停」呢個交通安全訊息,

就拍咗條MV。

由官員同交通安全委員,跳住舞介紹。

聽到呢度都估到咩效果!

 

出到嚟真係炒晒車咁,唔係專業舞者自然舞步唔齊、畫質又唔掂,

上載無耐就被網友負評,話「睇到尷尬癌」。

聞說條片用咗20萬台幣﹐更加令網友嘩聲四起,

大鬧「高中畢業生拍條片都好多多聲」,搞到條片要下架。

 

台中市政府嘅解釋都好妙,

先否認用20萬拍條咁嘅片,再補充係由同事拍攝。

至於點解下架,就話係「放錯版本」。

 

好,就等睇你正式版有幾咁精彩。

不過都唔駛啦,而家好多人記得「路口慢看停」啦,仲邊駛搞咁多嘢?

 

原文傳送門

最近的19+幾樣野

撐警劉亦菲孭飛 網友瘋狂負評《花木蘭》電影海報

【多圖】清潔達人 7個鐘頭將垃圾屋還原 網友眼利︰屋主係女生!

網民發現 男歌手懷疑暴動罪被捕

日本殯儀新科技 曉郁嘅遺照 逝者對你眨眼!