使用條款 | 私隱政策

高官被迫辭職 因為send太多rap歌詞?

 

近日咁多官場流言四處飛,想走又話走唔到,

面聖又話可能烏紗不保,真係波譎雲詭呀。

 

「外國勢力」就唔同啦,要炒人真係手起刀落。

 

美國艾奧瓦州政府一名66歲高官Jerry Foxhoven ,最被迫辭職,

原因係……喪send歌詞俾同事。

 

本來係大學教授嘅Jerry加入官場2年期間,

有超過350個email都有佢最愛、已故rapper Tupac嘅歌詞,即係大約……2日1封。

其實佢嘅同事都知阿sir係瘋狂fans,

因為逢星期五Jerry都會喺office播偶像嘅歌,

而同事們都好識做,用Tupac相關圖案裝飾嘅曲奇幫老細賀壽。

上個月係Tupac生忌,Jerry用email向4300位同事提議,

大家一齊聽一首Tupac嘅歌。

 

第二日,佢就被要求辭職嘞。

 

政府發言人話,Jerry辭職原因有好多。

Jerry 就話,政府本身都想郁佢好耐,但無講咩原因。

 

所以呢,熱廚房,度度都有。

唔知香港會唔會有邊位大人物會衰喺呢啲細眉細眼嘢呢?

 

原文傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了