使用條款 | 私隱政策

沉睡5000年酵母焗麵包 係咪會香啲?

 

過期食物冇人掂,但係擺咗5000年嘅酵母,有人當係寶!

 

Seamus Blackley係一個奇人,有份開發Xbox遊戲機,

愛好研究古埃及文明﹐閒時亦鍾意焗吓餅。

 

三樣嘢點溝埋一齊?就好似佢焗嘅呢個麵包咁,

以佢嘅創意,加埋搵到古代埃及器皿入面嘅酵母,用嚟整包!

 

Seamus Blackley搵做人類學家同微生物學家嘅朋友幫手,

喺波士頓展出嘅古埃及啤酒及麵包製作器皿入面,

提取被「封印」嘅酵母。

Seamus將部份樣本拎返屋企,用嚟培植令麵包發酵嘅酸種。

為咗保存最古早味,佢參照古人方法,用大麥同古代小麥「餵飼」酸種。

 

未出爐,淨係發酵,Seamus 已經話聞到陣味好唔同!

 

其實空氣本身就有酵母菌,點先確保個包係用古代酵母整成,

冇「現代元素」?

Seamus  pro到用基因技術確保原汁原味!

講咁多,直接跳去食評啦好嘛?

呢批包焗出嚟有種甜香,咬落質地亦同一般麵包唔同。

為咗再貼近古人方法,Seamus考慮搵陶藝專家整個麵包專用鍋,

因為古埃及人係咁樣焗包嘅。

 

玩得夠認真之餘,佢亦睇到商機,

考慮收集各式古代酵母用嚟整麵包推出市場。

聽落都想食呀~

原文傳送門

最近的19+幾樣野

NBA閉門復賽 300觀眾竟可「坐在場邊」

吉野家分店接連結業 致命因一個牛肉飯食譜?

小小超公司袋保就業$3.4億 發展網上睇醫生

宣道園登熱門搜尋 度假營鬼故成另類回憶

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交