使用條款 | 私隱政策

沙田第一城搞人面識別 街坊憂私隱問題反對

 

呢幾個月,大家對好多事情都提高戒心。

然而沙田第一城呢個大型屋苑,喺呢期打算引入一套新保安系統,

大廈大門以人面識別科技,辨認居民面孔再開閘。

「沙田第一城生活圈」facebook專頁的成員,

喺最近管理公司派發嘅《第一城工作報告》入面﹐

發現管方打算喺屋苑部份樓宇,試用人面識別系統。

到時大堂將不設保安當值,住客只要露一露面就可以入去。

而控制室就會有1-2名保安遙控開門。以全屋苑52座樓計算,估計可以節省26名保安人手。

但呢個試用工程造價大約80萬。

 

用人面識別,即係全部住客要影相,訪客就要用住戶預先申請嘅QR CODE入大門。

朋友或送貨員、郵差到訪又未有QR CODE,

可能要透過對講機要求協助。

聽落好hi tech,但係涉及私隱,唔少人都有保留。

留言嘅街坊都係擔心資料會被第三方接觸,

又或者轉用另一間保安公司的話,私隱資料好難受保障。

亦有人認為裁減保安人手做法不近人情。

有街坊就叫當區區議員認真跟進。

 

咁嘅風頭火勢,推呢啲?

原post傳送門

最近的19+幾樣野

糖可以咁派 新加坡政府豪派100萬隻智能手錶

$20萬極品懶人床 攤喺度睇netflix唔使郁

成班毛孩睇音樂劇 原來係上堂?!

尋寶專家水中搵到攝錄機 竟發現溺斃男子最後影像 

被恐怖媽諂造有病 健康男童無辜捱13次手術

佛珠版易付卡 高科技gadget長者輕鬆上手

【得棚骨仲要巡遊】70歲可憐大象 不支倒下了