使用條款 | 私隱政策

警方水炮車漏顏色水?路過車主慘遭「染藍」

近排示威不斷,警方亦都介紹過俗稱「水炮車」嘅「人群管理特別用途車」。
噴出嘅水柱除咗力度強勁之外,
亦會加入催淚劑或染色劑,方便「管理人群」。

到底幾時會「首度亮相」?未知。
但就有車主發現,水炮車未出場已經彰顯威力。

有連登網友出post,話揸車路過三號幹線青衣一帶路段,
路面出現藍色水漬,事後無法清洗,
懷疑係警方水炮車漏水做成。

從原post見到有白色私家車車身濺上藍色水漬,
亦有重型車輛中招。
而早前有傳媒拍到警方試用「水炮車」,所用顏色水色澤與漏出路面嘅污水顏色相當接近。

其他網友亦報料,青衣有道路被染成一片藍,
又有人發現連白色石油運送車都被「染藍」。
有巴打就建議車主,將顏料拎去化驗,以便日後跟進。

唔知今日4點記招有冇阿sir解釋下?
原post傳送門

最近的19+幾樣野

紀錄抗爭者傷痕 入圍國際大賽 香港攝影師作品被下架

朱凱迪研製布口罩 真係有效?

民建聯質疑醫管局口罩使用量 HA中人計數釋疑

網傳國際時裝名牌CEO 靠虎眼石對抗肺炎?

【真係搶】扣起人地批貨 內地市政府爭相搶口罩