使用條款 | 私隱政策

成班毛孩睇音樂劇 原來係上堂?!

 

做咩有班狗狗排排坐咁可愛架?

 

原來佢地係嚟學嘢!

加拿大有劇團正在演出《跳出我天地》音樂劇(Billy Elliot),

特登安排一班服務犬,入劇場睇演出,

等佢地學習喺劇院嘅「禮儀」。

 

所以完show之後,一滴掌聲都冇,亦聽唔見吠聲,

大家相當興奮,證明狗狗們成功過關!

 

呢群狗狗要接受2年訓練,會去到地下鐵、動物園、群眾聚集嘅地方,

等佢地適應喺唔同燈光、聲音、人群之下,

點樣保持平靜,帶住需要協助嘅主人。

睇show期間,佢地應該匿喺凳底,不過有幾隻毛孩好好奇,

坐起身睇咗一陣表演。

而呢個為佢地而設嘅特別場,聲效同燈光都比正式公演柔和,以免過份刺激。

劇團亦都解釋,佢地有好多支持者都會帶埋服務犬入場,

所以好樂意幫手培訓。

 

呀……連狗狗都識得安靜睇show,

點解好多人都做唔到嘅呢?

原文傳送門

最近的19+幾樣野

生仔大作戰!夫婦為添丁 生意放盤兼賣屋籌錢搞人工受孕

整容40次 26歲日本軟飯王每月袋36萬 

水喉匠義助3000長者 爭啲破產

10歲女童河邊玩水 遭寄生蟲侵蝕腦部死亡

94歲婆婆紋身 創全英國最高齡紀錄

自製「避孕器」 女子放彈弓入子宮仍然懷孕