使用條款 | 私隱政策

小球迷自製愛隊球衣被恥笑 球隊採納設計印tee以表支持

 

一個機構、一個地方有冇人情味?

點處理一件無關痛癢嘅小事就睇得到。

 

美國有個活動叫College Colors Day,8月30日呢日係大學美式足球賽事開鑼日子,

當日各間院校嘅球迷都會著上代表自己愛隊嘅衣飾上身。

佛羅里達州有個男童,佢學校都有參與College Colors Day,

而佢就係田納西州大學(University of Tennesse)嘅粉絲。

不過男童本身就冇隊球隊嘅衣物,老師就建議佢著件橙色衫都得。

 

活動當日,呢位男童著上橙色tee,並且加上自己手繪嘅標誌,

點知俾女同學笑。

佢嘅老師Laura於是想送件球隊tee俾學生,仲上網向facebook大神求救,

問有冇人識人喺呢間學校做,想搵辦法加少少特色喺件衫度,氹下個學生。

 

估唔到Laura老師呢個POST會被瘋傳,而且連大學有關方面都睇到,

決定送出成箱大學球隊紀念品被呢位男生,以及佢嘅同班同學!

更勁嘅係,學校表示會將呢位學生手繪嘅大學標誌,

印製成tee,並將部份收入,撥作對抗校園欺凌活動。

結果呢件tee喺校隊網上商店上架無耐就賣晒!

而Laura老師話,呢位男生當堂成個人有晒自信,開心返晒!

 

其實件事真係好細,Laura可以選擇當睇唔到,

或者教訓一下笑同學嘅女生,大學更加可以置身事外。

而大家都選擇做多少少,令成件事有個happy ending。

勿以善小而不為呀!

原文傳送門

最近的19+幾樣野

網民翻睇Anson Lo與舊愛訪問 女粉絲跪求ViuTV:唔好再逼佢扮直

懶理Anson Lo性取向報道 網民譜新一代粉絲價值觀:偶像要有私生活

Mirror Error周五現身屯市 市民今霸位等30小時 有人要求區議員代排隊

網上訂放題已預先付款 食客到餐廳竟無檯 老闆:訂完要再book

「我不是機械人」驗證圖片考起網民 30次失敗放大鏡用埋 背後竟為Google免費打工

網民分享做殯儀土工經歷 底薪$1.2萬要夾八字 靠偏門賺外快

港男擲二萬元參加人生課程 唔返工朝10晚12受訓 女友憂墜傳銷陷阱

港男視性愛娃娃為老婆 送iPhone卡地亞 恩愛合照組家庭逾30國報道

「我老婆嫁左比Mirror」13萬人關注 鏡粉老公P圖結婚相自己變Anson Lo

印傭姐姐欲直接用手食飯 僱主處理手法獲網友讚尊重文化