使用條款 | 私隱政策

瑞典學者提倡︰食人肉有助減輕氣候暖化

 

都知係想為個地球好……但係呢,唔駛咁重口味架可?

 

瑞典斯德哥爾摩經濟學院嘅教授Magnus Soderlund,

最近就喺一個電視節目度,倡議食人肉代替肉類及奶類製品,

以減低畜牧業對氣候變化嘅影響。

 

教授澄清,係鼓吹食自然死亡嘅人,

唔係養大個人嚟食,或者殺人……

 

其實Soderlund教授唔係第一次提出呢個觀點,

佢上次喺一個飲食活動度用呢個題目演講,真係令人胃口大開呀!

教授話大家會對「食人」嘅議題覺醒,仲會作出正確選擇,

不過當佢問在場觀眾邊個想試下人肉嘅時候,

就梗係冇咩人舉手啦。

而Soderlund自己都有猶疑,不過會試囉佢話。

 

美國醫學界有文獻話,巴布亞新畿內亞有族群嘅習俗係會食人類屍體,

結果因此而感染俗稱「大笑病」嘅KURU病,

成因正正係因為食咗受感染嘅人類腦部組織。

 

定係阿professor你想透過呢個方式,令地球人口少咁啲,

咁就可以減少負擔呢?

原文傳送門

最近的19+幾樣野

撐警劉亦菲孭飛 網友瘋狂負評《花木蘭》電影海報

【多圖】清潔達人 7個鐘頭將垃圾屋還原 網友眼利︰屋主係女生!

網民發現 男歌手懷疑暴動罪被捕

日本殯儀新科技 曉郁嘅遺照 逝者對你眨眼!