使用條款 | 私隱政策

【行完一圈收多啲】新版大富翁 明益女玩家

 

大富翁呢個經典桌上遊戲,套套玩法一樣,點先可以吸引已經擁有一副嘅家庭,

再買多一副?

 

就係出唔同版本嘞~

 

例如上年就推出過「千禧世代」大富翁,唔係鬥買屋,

官方講法話「因為後生仔女買唔起」,而係鬥儲經驗,

去旅行、飲咖啡、食牛油果多士。

呢種新玩法有取笑年青人生活形態之嫌,推出時惹來負評。

嚟緊大富翁又出新版,玩法明益女玩家!

 

淨睇包裝已經知道女人大晒,因為遊戲icon之一大富翁先生,

換成大富翁小姐,係史上首次!

玩法亦都有利女玩家,例如行完一圈可以得到嘅200蚊獎金,

女士可以得到240蚊。

 

出品商話,遊戲創造一個有利女性嘅環境,同日常世界有所不同,

但係男玩家唔一定會輸,而且大眾福利同機會卡嘅獎罰機制依然平等。

 

有人就估計,出呢個「女人大晒」版本,

係想平息之前推出、備受爭議嘅社會主義版大富翁。

因為嗰個版本,被指誤解社會主義原則,

而且同大富翁遊戲本身批評資本主義嘅初心有出入。

 

女士專利大富翁已經喺美國接受預訂﹐有興趣不妨搵下。

原文傳送門

最近的19+幾樣野

NBA閉門復賽 300觀眾竟可「坐在場邊」

吉野家分店接連結業 致命因一個牛肉飯食譜?

小小超公司袋保就業$3.4億 發展網上睇醫生

宣道園登熱門搜尋 度假營鬼故成另類回憶

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交