使用條款 | 私隱政策

水喉匠義助3000長者 爭啲破產

 

幫人可以去到幾盡?成副身家拎出嚟得唔得先?

 

英國一個水喉匠James,開咗一條求助熱線,

俾65歲以上或者行動不便人士打去搵佢整水喉。

仲要係24小時on call!

 

連材料零件費都唔收,難怪James話試過爭啲破產,

好彩之後救亡成功,先捱到今日!

 

最近佢就收到個call,一個91歲患白血病嘅婆婆,要換熱水爐。

婆婆個女為免阿媽凍親,就搵James幫手。

阿占士哥梗係二話不說搞掂啦,仲話婆婆值得幫,

又mark低佢地址電話,以後有咩要整,一毫子都唔駛!

 

即使唔係長者,平時James都會收順啲當益街坊,

又會幫手諗計,等啲老友記唔會俾其他同行呃佢地要換呢樣換嗰樣。

 

James希望得到政府資助,令到呢種「義務水喉佬」服務,擴展到全國。

原文傳送門