使用條款 | 私隱政策

生仔大作戰!夫婦為添丁 生意放盤兼賣屋籌錢搞人工受孕

生2個嘅父母,唔多唔少都係想個大B有細佬妹陪。

期待第二胎嘅心態,好多人隨緣啲輕鬆啲,

呢pair父母反而好著緊,甚至拎副身家出嚟都要有!

 

Gemma 同John本來已經有個4歲大仔Kayle,

由於佢兩位都係來自有兄弟姊妹之家,想個仔都有相同體驗,

而且見到個仔同啲表兄弟姊妹相處到,估佢都可以做個好哥哥,決定整多件!

不過因為自然受孕都屢試不果之後,去年開始決定採用人工受孕。

 

但係每次都要2000英鎊以上(約港幣19700元),而且唔一定一擊即中,

計過數Gemma 同John估計要25000英鎊(約港幣246000元)先得。

打退堂鼓?No!佢地把心一橫,將間屋同做緊嘅美容生意,

一次過賣晒!

結果皇天不負有心人,今年年初Gemma 成功誕下細女Lily。

Kayle好錫妹妹,而Gemma 就做全職媽媽。

 

Gemma 話,為咗有個心目中的美滿之家,

賣咗盤生意都冇所謂,因為佢最想做嗰份工,就係做媽咪!

 

錢用咗可以搵得返,達成心願、令屋企人幸福,俾幾多都值!

原文傳送門