使用條款 | 私隱政策

客機滯留跑道 加航禁乘客去廁所 致乘客失禁

 

要你坐喺張濕嘅凳都唔舒服啦,更何況係坐喺自己啲尿上面7個鐘?!

 

加拿大航空一班由哥倫比亞波哥大飛往多倫多嘅客機,

由於延誤要滯留喺跑道,2個鐘頭郁都唔郁。

一位26歲女乘客,因為內急想去廁所,4次要求都被空中服務員拒絕,

甚至好冇禮貌咁叫佢返埋位。

結果當然係……瀨咗喺自己個位。

 

而事主只能夠坐喺濕咗嘅座位,7個鐘。

全程機,空少空姐都唔理佢,

落機嗰陣仲匿晒喺機尾,費事俾事主投訴。

 

事主本來要轉機,但因為事件而要訂酒店房住一晚梳洗。

事後佢向加航投訴,公司道歉並且認同乘客當時可以去廁所,

並且奉上加幣500蚊(約港幣3000元)禮券補償……

筍?要再坐加航先可以用,你估人地仲想唔想幫襯你?

 

加航唔係第一次出現呢類「空服員跳掣事件」,

2個月前就試過有服務人員,喺三藩市要求因宗教理由帶頭巾嘅乘客除低頭巾。

外界批評有侵犯人權之嫌。

 

只可以講,而家揀航空公司真係好難。

大家會唔會飛少啲?

原文傳送門

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal