使用條款 | 私隱政策

《男兒當入樽》作者讚好撐香港帖文 被內地網民鬧「支持港獨」

 

香港嘅風波,已經燒到國際社會嗰疊。

 

《香港民主及人權法》排隊等美國國會投票,

NBA火箭隊經理Daryl Morey因為撐示威者,被中國球迷杯葛。

而NBA總裁Adam Silver就支持Morey有言論自由,

有關方面因此取消正在進行中、喺中國舉行嘅NBA季前熱身賽,

中央電視台亦會取消播放有關賽事。

最新一位辣著火頭嘅,亦都同籃球有關,

就係日本經典漫畫《男兒當入樽》作者井上雄彥。

有內地網民喺twitter上發現,井上雄彥曾經在6月,

對2篇支持香港反修例遊行畀讚,

因此喺微博發文,寫道「你一畫漫畫摻和政治幹什麼?你支持港獨幹嗎?」。

又話「無論我多愛櫻木花道和流川楓,中國人才是我的身份」。

其實井上老師like嘅帖文,

都係話希望香港保持民主自由,邊有人講過要港獨?

 

至於另一個火頭,係喺電競遊戲《爐石戰紀》勝出嘅香港玩家blitzchung,

接受訪問時戴上防毒面具高叫「光復香港 時代革命」口號,

因而被遊戲平台Blizzard(暴雪)封殺,連主持人都被牽連。

Blizzard嘅做法惹來批評,今日就有美國嘅玩家,

喺賽事直播嘅時候,對住鏡頭舉起Free Hong Kong, Boycott Blizz” (解放香港、抵制暴雪)標語。

結果影住玩家嘅鏡頭被cut走,重播片段都移除埋,

甚至之後直情冇鏡頭影住玩家!(去片)

今云真係遍地開花囉。

原文傳送門

 

最近的19+幾樣野

武漢封城前夕 全城大暴走

【毀壞文物?】北京女子揸車入故宮晒命 原來大把人咁做

日本珍珠奶茶大熱 華裔買手入9噸珍珠賣唔出

內地當局出手 量子波動速讀班被禁

怒減550磅  神級瘦身王減肥貼士︰唔使節食

為救細佬冇餐好食 貴州女生貧病去世 公眾100萬捐款只收到2萬惹質疑

【大選之後】韓粉好崩潰 有長輩劈酒 有人教路點樣移民過對岸

網傳豐滿Madam被同事性騷擾 Instagram鬧爆