使用條款 | 私隱政策

【手法咁熟口面】俾錢先有好評分 日本居酒屋霸氣謝絕網友食評

 

去日本梗係想食好西,

當地有個食評平台Tabelog,即係類似香港嘅食評網,

又係用戶俾星評分。

 

最近千葉縣有間居酒屋,因為公開表示拒絕食客食評而上電視。

老闆喺門口寫明唔歡迎食評網會員幫襯,

鋪入面又有張通告,詳細解釋唔會俾「食評保護費」,

亦唔需要「神一般的食家」消費。

呢張通告喺網上熱傳,電視台就派人去了解究竟。

老闆話8年前發現有人喺個網站,出有關自己間居酒屋嘅食評,

啲相係食到一半先影。

老闆於是請網站移除相片,對方居然覺得被虧待,將評分由4星改成1星!

之後又出現評論老闆長相嘅無謂「包膠」,

亦有自稱知名食評人想收錢寫鱔稿。

老闆唔希罕幾多粒星,只係唔想鋪頭再出現喺呢個網站,都唔得。

另一位受訪老闆都話,無經佢地同意就有人寫po食評,

但係話收費昂貴嘅菜式,佢地根本無賣?

 

報導出街之後,好多人喺網上相繼爆料,

有人話高分食肆嘅泡菜竟然有蟲,

有人間鋪頭無端端評分被推低,食評網就打來叫佢俾年費就可以谷返高個分。

 

手法好熟口熟面呀可?難怪而家都係用個網睇電話地址,

唔多信啲comment啦。

原文傳送門

最近的19+幾樣野

少女誤信流言食棉花減肥 食咗成張被落肚

溫暖危機?醫生︰羽絨被或導致肺病

【慎入】煙民必睇 30年煙剷成個肺黑晒!

Ming仔再瀨嘢 捐單頭數撐抗爭 網民︰做帛金呀?

出唔到九龍返工?網友行俾你睇

中伏!賭城酒店房雪櫃 汽水郁過冇開都收$2700