使用條款 | 私隱政策

被整蠱誤食炸雞塊 素食青年報警拉朋友

 

打爛人地齋缽?拉得!

 

美國有位茹素多年嘅女子,喺reddit討論區分享咗呢件事︰

是咁的,呢位絲打去咗個party,飲大咗。

朋友整蠱佢,俾碟聲稱係素食炸雞塊佢吃。

絲打醉醉地,唔係幾分得出係真肉定假肉,食咗。

 

第朝起身,屋企人叫佢睇返個snapchat,

原來佢朋友擺咗條片上網,係將真雞塊由包裝袋倒出來,

接住就係絲打問係咪素食,同埋食咗雞肉嘅鏡頭。

 

事主一時火起,將條片送交警察,

呢3位(前)朋友,被當局起訴。

自細就食素嘅事主最不滿係朋友們覺得無傷大雅,唔駛咁大反應,

但其實換走人地嘅食物同恥笑,都係好嚴重嘅事。

 

佢將呢件事放上reddit,得到好多網友支持,

認為真正朋友係唔會玩呢啲。

 

你又覺得點?不過……喺香港,唔知用咩例可以告得入呢種惡作劇呢?

原post傳送門