使用條款 | 私隱政策

二次創作歌 翻轉字體 撐警文宣點解係咁嘅?

 

今年大家學識好多新詞語,一定包括呢個︰文宣。

 

大概意思係一切用作宣傳運動訊息的物品,

由facebook whatsapp互share嘅海報到連儂牆嘅巨型海報,

以至《願榮光歸香港》,都係文宣。

 

唔係反修例一方先有,撐警嘅都有文宣。

近期就有2款作品幾值得討論。

 

6月修例風波升溫,台灣有文創公司設計咗一個字款,

只要將「加油」呢2個字順時針轉90度,就會變成「香港」,

意思係「香港加油」。

隔咗幾個月,最近有個相同玩法嘅字款出現,

打橫睇係「勁揪」,打直就係「警察」,即係「警察勁揪」。

有網友就話,「警察勁揪」唔駛呢個字款宣傳嘅,睇直播都知佢地好揪得。

至於歌曲,建制陣營試過以《願榮光歸香港》譜上新詞,

但係因為冇經授權,首歌嘅版權擁有人向各大社交及影片平台要求下架,

Dump一聲就沉咗了。

 

而家就有另一首撐警歌上場,係改編Dear Jane《不許你注定一人》,

新版叫《警方努力地耕耘》,係由香港音樂人高松杰連同「愛國網紅」黑超哥合唱。

歌詞大概係咁︰

警方努力地耕耘 每件事做到滿分

心中有勇毅精神 去細味甜苦與甘

以歌論歌,有首反警暴嘅《肥媽有話兒》係以外國女歌手Sia爆紅之作 Chandelier惡搞而成,

唔知點解好多人竟然識唱,仲一齊喺商場唱……

可能因為副歌夠搶,超高音「呀~~」完之後嗰3個字講出好多人心聲。

 

填詞最緊要有呢啲一唱就入腦嘅hook line。

「警方努力地耕耘」用7個字砌個hook,長得滯又冇唔夠搶。

同埋,你嘗試填啱個音又何必呢?唱嗰個都甩皮甩骨,份詞都要唔啱音先夾嘅。

咁先有宣傳功效嘛,黑暗魔法曲線推歌你們懂不懂???

 

呢首唔得唔緊要,撐警朋友可以慢慢努力,對家大把嘢俾你跟架。

最近的19+幾樣野

紀錄抗爭者傷痕 入圍國際大賽 香港攝影師作品被下架

朱凱迪研製布口罩 真係有效?

民建聯質疑醫管局口罩使用量 HA中人計數釋疑

網傳國際時裝名牌CEO 靠虎眼石對抗肺炎?

【真係搶】扣起人地批貨 內地市政府爭相搶口罩