使用條款 | 私隱政策

內地新興財路 狐狸精培訓班大戰太太改造課程

 

睇到澳門大亨最終都係同元配一齊,第三者敗走但係拎到億億聲分手費,

難怪會有人開班教人做狐狸精!

 

內地真係有咁嘅培訓班,幾萬蚊學費加幾日密集式訓練,

保證釣到金龜,甚至如果畢業後冇著落的話,介紹埋你識有錢人咁話。

 

咁大婆可以點?之前有套網路故事講「情敵勸退師」,

而家市面上真係有咁樣嘅專家,同狐狸精進行調解。

除此之外,與其日防夜防,不如做好自己,等老公唔出去搵食,

所以又衍生另一種課程︰名媛培訓班!

 

教嘅包括馬術、插花呢啲提升品味嘅高級玩意,

仲有情感溝通技巧、廚藝呢啲「軟功」底子,就連……

「房中術」都有教。

喂,其實「小三培訓班」同「名媛培訓班」有咩分別啫?

攻陷男人心咪又係嗰幾招?

 

早十年八年,有位自稱「三姐」開設一個專門俾第三者交流情感嘅網上論壇,

結果又互吐心聲演變成技術交流,

甚至將3月3日定為「小三節」。

而家嘅培訓班,即係收錢將呢啲技術傳授出去。

 

難怪個個都話北上搵食有好多發展機遇啦。

唔理道德因素,教人勾引老公呢個理念能夠賣錢,

我以為拍戲先有咁嘅情節。

原文傳送門

最近的19+幾樣野

少女誤信流言食棉花減肥 食咗成張被落肚

溫暖危機?醫生︰羽絨被或導致肺病

【慎入】煙民必睇 30年煙剷成個肺黑晒!

Ming仔再瀨嘢 捐單頭數撐抗爭 網民︰做帛金呀?

出唔到九龍返工?網友行俾你睇

中伏!賭城酒店房雪櫃 汽水郁過冇開都收$2700