使用條款 | 私隱政策

疑在新加坡出事 網傳華記茶餐廳老闆有麻煩「同大家一別數載」

 

網路流傳,向來公開撐警嘅「華記茶餐廳」老闆楊官華(華記),

喺新加坡有麻煩!

 

話說楊官華早前到新加坡,並且喺facebook專頁宣傳,

會喺當地一間食肆舉行’Gathering”,歡迎新加坡朋友到場「發表對目前香港的暴動事件睇法」。

但係喺新加坡舉行政治集會係要有關當局批准。

事隔大半個月﹐到今日,網上開始有消息傳出,

華記未能離開當地,懷疑出咗事。

而同華記有交情嘅親建制KOL「黑超哥」就拍片,

將華記send俾佢嘅訊息讀出,內容講到華記可能在新加坡有牢獄之苦,

仲形容自己「中伏」、「泥菩薩過江」,

又話「可能要同大家一別數載」,連「黑超哥」都話佢「打定輸數咁」。

訊息最後以「支持香港警察止暴制亂,江湖再見」作結。

 

好似好嚴重咁喎!

 

另一位「愛國youtuber」沖san就出片表示,

確認華記身處新加坡,「好安全…但係要處理一啲問題,而案件徹查當中」。

至於華記嘅facebook專頁仲有更新,不過影片就由10月20號之後暫停,

當時係話華記身體不適。

至於近期嘅post,係由管理員睇檔代po,定係華記自己出嘅,就得佢地先知。

學華記話齋,新加坡係公正嚴明嘅國家,

我地一齊睇下當地會點處理,同埋了解下到底發生咩事。

最近的19+幾樣野

少女誤信流言食棉花減肥 食咗成張被落肚

溫暖危機?醫生︰羽絨被或導致肺病

【慎入】煙民必睇 30年煙剷成個肺黑晒!

Ming仔再瀨嘢 捐單頭數撐抗爭 網民︰做帛金呀?

出唔到九龍返工?網友行俾你睇

中伏!賭城酒店房雪櫃 汽水郁過冇開都收$2700