使用條款 | 私隱政策

化妝KOL抖音教夾眼睫毛 偷插新彊再教育營情況

 

以前有「月餅藏紙條」叫人反清復明,

而家新年代嘞,玩法係咁嘅。

 

以短片為主的中國社交平台「抖音」,內容百花齊放,

有一位17歲美國少女Feroza,就喺海外版抖音憑一條教人夾眼睫毛嘅片,

得到百幾萬人收看。

 

咁梗係唔止夾眼睫毛咁簡單啦!

 

片段長40秒,Feroza開頭都係好正常咁教人點夾眼睫毛,

之後話鋒一轉「放低你手上嘅睫毛夾,用手機去睇吓新彊再教育營嘅情況」。

Feroza係一邊夾一邊講緊再教育營發生咩事,

到最尾就返「正題」講返條眼睫毛。

 

如是者Feroza拍咗3條片,另外嘅片就係呼籲網民唔好以為年紀細就幫唔到手,

要透過轉達呢類訊息、投票等方法,試圖作出改變。

 

結果片段瘋傳,有網友上載到twitter,收視更勁……5百萬次瀏覽!

而Feroza嘅戶口,即使只係外國版,都俾抖音禁言一個月。

官方話唔關言論事,強調係Feroza之前上傳與恐怖主義相關內容,先至禁佢。

又同傳媒講「不會因為政治敏感度而審核影片」。

 

呢位絲打真心勁呀,致敬!

有片

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal