十年人事乜乜乜，即使facebook有「當年今日」功能，
睇見自己十年八年前食飯gathering啲造型，
都而得拿拿聲閂咗佢。
偏偏有間網上遊戲公司，最近就將旗下遊戲10年前搞嘅活動照片，
Post喺facebook專頁。
當時個game會有分成唔同家族，
搞手就喺一間網吧舉行「家族皇者挑戰賽」。
最正係連參加者影嘅大會相，照po。
一班當年仲年青嘅男男女女，唔覺意俾人由時間囊度拎出嚟……
有人被朋友留言tag出嚟求證，好尷尬。
有人就自己認頭，原來十年過後少女做埋人地阿媽咯。
睇返男仔嘅「飛輪海」碎蔭頭，
女仔嘅貨車帽短褲look，好青春呀～～～
有參加過類似活動嘅，放心！
好快輪到你，因為呢個post只係part1……
即係有part2啦？！！！