使用條款 | 私隱政策

屋企出現發夢gear 網友懷疑老豆係手足

 

亂世下,每個家庭都會有故事。

 

有連登巴打開post,思疑自己老豆係「手足」。

 

樓主話老豆四十幾歲人,做開地盤工,成日早出晚歸。

近來鬼鬼鼠鼠玩手機,仲裝咗連登、telegram等應用程式,

樓主阿媽就思疑老公係上網識女仔。

 

樓主呢期發現屋企洗完嘅衫有冰袖、頭套呢啲裝備,

豬咀、頭盔呢啲就梗係有啦,

不過做地盤嘛,好合理。

 

但係樓主諗返……點解老豆呢期係周末開工呢?

樓主阿媽都因為咁而嘈交,以為個老公北上尋歡。

最後樓主話,如果老豆睇到的話,希望佢小心啲,

仲話如果有咩事,佢會照顧好屋企,放心。

 

好快就有人用樓主老豆身份留言話會小心,

而同一個post入面有好多個老豆……

亦有人好快睇穿一件事︰

留意到老豆星期六日出咗去……即係樓主冇出街發夢啦?

另一類留言就係︰樓主老豆可能真係北上尋歡……

 

唔理阿世伯係返地盤開工、尋歡定發夢都好,

總之一句︰一切小心。

原post傳送門

最近的19+幾樣野

武漢封城前夕 全城大暴走

【毀壞文物?】北京女子揸車入故宮晒命 原來大把人咁做

日本珍珠奶茶大熱 華裔買手入9噸珍珠賣唔出

內地當局出手 量子波動速讀班被禁

怒減550磅  神級瘦身王減肥貼士︰唔使節食

為救細佬冇餐好食 貴州女生貧病去世 公眾100萬捐款只收到2萬惹質疑

【大選之後】韓粉好崩潰 有長輩劈酒 有人教路點樣移民過對岸

網傳豐滿Madam被同事性騷擾 Instagram鬧爆