使用條款 | 私隱政策

【唔怕唔見】無線AirPod 掛頸繩有得賣 係咪多餘?

 

呢個產品可圈可點嘅程度,拍得住《國產凌凌漆》嘅太陽能電筒!

 

美國上星期係感恩節,接住好快又係聖誕,

消費氣氛好高漲,所以零舍多新產品出街。

 

喺時尚媒體Cosmopolitan嘅佳節禮物推介,

有人就見到呢樣嘢︰

 

蘋果無線耳塞 AirPod 專用嘅掛頸繩。

等你聽完歌又唔想周圍放嘅時候,可以當飾物咁戴住。

盛惠八十幾蚊加紙,大約5百蚊港紙左右。

喂!用AirPod都係貪佢無線啫,加條繩?吓?

 

呢條繩成為網路熱話,但係原來唔少人覺得……

又幾有用喎。

睇返報導,有年青人坐完飛機發覺唔見咗個 AirPod

(真係airport 唔見AirPod……),導致發惡夢等等壓力情緒。

而 AirPod亦成為地鐵路軌最常見嘅失物,

似乎真係好多人需要呢條繩。

 

假如加咗呢條繩都係會整唔見,咁又需要推出咩產品解決呢?

不如食合桃露啦,補吓個腦咪會有記性囉。

原文傳送門

最近的19+幾樣野

6位數月薪掛名返工 企業高層打官司求公司炒佢

唔記得買咗樓 業主28年後勁賺30倍 點知間屋有人住緊

【抗疫煮食】納豆都可以自己整

南韓足球聯賽搵吹氣Mary扮觀眾 球會致歉

佐敦著過落場 第一代Air Jordan波鞋434萬成交

疫情影響演唱會延期 歌手Bryan Adams 怒爆「多x謝食蝙蝠嘅xx」後改口風道歉

同一條經濟不景氣問題 內地大學生一年內立場由驕傲變悲觀

下一個400下咖啡? 歐美流行自家製pancake cereal