使用條款 | 私隱政策

【回帶】坐直升機登珠峰惹非議 內地女登山家原來係CEO

 

近排見到呢單「新聞」,又再喺facebook有人share。

 

之所以話係「新聞」,因為係5年幾前嘅報導。

中國女登山家王靜,2014年登上珠穆朗瑪峰,成為嗰年第一個由南面路線登頂嘅中國人。

不過佢之後承認,係坐直升機由大本營去到海拔6400米嘅二號營地。

王靜話因為有冰崩,由大本營通去二號營地之間嘅路完全封閉,佢只好咁做。

而喺登山者眼中,住直升機協助攀登係不道德嘅事。

當時尼泊爾政府都話要徹查事件。

既然係舊聞,咁梗係睇吓有咩新發展。

原來呢位女登山家王靜,大有來頭。

根據內地人民網報導,王靜係內地戶外用品品牌「探路者」創辦人,

自細喺山區長大,所以喜愛大自然同戶外活動。

18歲出城打工,認識現時的丈夫,兩個人之後創業,2009年「探路者」成為上市公司。

 

王靜做咗老細之後仍然去登山,3次登上珠峰,

而被指坐直升機攻珠峰頂嗰年(2014年),佢係挑戰緊以最短時間登上「九極」,

即係七大州最高峰及徒步到南北極。

結果王靜以141日時間完成,打破紀錄。

攻珠峰頂係「九極」之旅第八站,難怪佢咁心機要call直升機嘅。

王靜之後都有以呢次「九極之旅」嘅經歷,結集成書《靜靜極致》。

原文傳送門

舊年5月,王靜又再攻珠峰,今次雖然無直升機,

但一樣備受批評,因為佢公司「探路者」股價4年內縮水9成,

公司市值由260億人民幣跌到35億。

但係管理層人工就不跌反升,王靜身為CEO,年薪4百幾萬人仔,2年間升咗3倍幾。

見到王靜成日去咗探險,唔少股東都呻「可唔可以做返正經事?」。

報導原文

不過王靜話登山以外,冇擺低公司嘅事唔理,而且嚟緊一年亦無任何登山計劃。

登山都話有直升機幫手,管理公司呢?好似無咩捷徑。加油呀!

 

 

最近的19+幾樣野

拍賣網驚現「確診口水」叫價一千蚊 網民指做生意淨賺$50萬?

華城連環殺人案中案 殘疾男子冤獄廿年 34年後真兇上庭:我才是兇手

垃圾站驚現過千元全新高達 網民:老婆掉老公珍藏

【土瓜灣最細劏房】租廁所為家 義工上門大翻新 獨居伯:我受唔起

國泰航空停運港龍 休假空姐:一瞓醒冇咗間公司

國泰裁員港龍航空隕落 空姐泣訴:睇新聞先知

國泰航空「埋葬」港龍 35年本地品牌停辦在昔日對手上

國泰航空棄營港龍 前空姐憶:隊crew靚過香港小姐

國泰航空斷臂港龍 資深地勤:難忘啟德最後一班機

國泰航空停辦港龍 員工爆:曾極力爭取減薪保公司